【聖誕傳統食物】聖誕食咩好?為你逐一介紹8款各國聖誕食物!

聖誕節對於好多人嚟講係一個非常重要嘅傳統節日,世界各地嘅人為咗慶祝聖誕節,都會食好多特別嘅聖誕食物,以下為你介紹8款唔同國家嘅特色食物!

  法國  

聖誕節,聖誕樹,到會,聖誕派對,聖誕美食

聖誕節時法國人會喺平安夜食Buche de Noel,即係「樹幹蛋糕」,樹即係指聖誕樹。樹幹蛋糕係一種用海綿蛋糕做成嘅蛋糕卷,外面再塗上朱古力味或奶油味嘅奶油糖霜。更細致嘅樹幹蛋糕會利用奶油糖霜來畫出樹幹嘅外皮,或者喺蛋糕上擺一些可以食用嘅可愛小裝飾。

 

  丹麥  

聖誕節,聖誕樹,到會,聖誕派對,聖誕美食

丹麥人嘅聖誕大餐包括豐盛嘅烤肉,配上煮薯仔、紅甘藍菜同肉汁,以及佢哋最鍾意嘅甜品米布丁。米布丁可以熱食,可以凍食。食之前會喺頂部加上杏仁碎、奶油或車厘子醬。每次食米布丁嘅時候,主人都會喺其中一碗放入完粒杏仁,邊個食倒就代表未來一年都會有好運。

 

  荷蘭  

聖誕節,聖誕樹,到會,聖誕派對,聖誕美食

荷蘭嘅傳統聖誕節晚餐,通常包括燻魚、鹿肉、鵝、野兔或火雞,以及大量嘅蔬菜同荷蘭冬甩(Oliebollen)、杏仁麵包圈(almond pastry rings)、聖誕杏仁醬麵包(Kerstbrood),以及布丁同奶油朱古力等甜品。近年來,最受荷蘭人歡迎嘅聖誕大餐係Gourmetten,佢哋會用電烤爐,選擇鍾意嘅食材再煎烤。

 

  菲律賓  

聖誕節,聖誕樹,到會,聖誕派對,聖誕美食

菲律賓嘅基督徒會喺平安夜食完隻烤乳豬,烤乳豬嘅嘴入面都會放入一粒黃色嘅芝士,其他主菜就會有聖誕火腿同意大利麵,佢哋都會食充滿節日氣氛嘅埃德姆起司(Edam cheese),即係紅波芝士。

 

  英國  

聖誕節,聖誕樹,到會,聖誕派對,聖誕美食

聖誕大餐極其豐富,包括燒豬、火雞、聖誕布丁、乾果餡餅等。聽聞係英國食聖誕火雞呢個習俗已經有300幾年嘅歷史,一般英國家庭都鍾意自行烹調火雞,佢哋會將大量嘅蔬果例如甘筍、西芹、洋蔥、栗子等塞入火雞入面,再係表層塗抹多種香料,再放入焗爐烤。

 

  日本  

聖誕節,聖誕樹,到會,聖誕派對,聖誕美食

聖誕節食KFC炸雞同士多啤梨蛋糕係日本人嘅習俗。日本肯德基會推出聖誕限定炸雞套餐,吸引大量日本人訂購,故事源於1974年肯德基喺聖誕出嘅廣告「一齊食肯德基炸雞」,所以聖誕食炸雞就變咗日本人嘅習慣。另一方面,據聞喺20年代,日本嘅不二家喺聖誕節推出士多啤梨忌廉蛋糕,之後每年都大受歡迎,於是日本人都會喺聖誕節食士多啤梨蛋糕。

 

  德國  

聖誕節,聖誕樹,到會,聖誕派對,聖誕美食

德國聖誕大餐最出名嘅嘢食係薑餅,係一種介乎於蛋糕同餅乾之間嘅小點。傳統嘅姜餅,以蜂蜜、胡椒粒為材料,又甜又辣,口感刺激。依家嘅薑餅都經過改良,會喺外面灑上糖霜,不但口感豐富,外型都美觀。傳統的聖誕餐係烤鵝搭配紫甘藍菜,佢哋都流行食Raclette芝士燒烤。

 

  義大利  

聖誕節,聖誕樹,到會,聖誕派對,聖誕美食

根據傳統,聖誕前夕其實係齋戒嘅日子,因此義大利人白天禁食,直到晚餐先會享用精緻嘅大餐。即使係咁,聖誕夜嘅料理唔可以包括肉類,只能以海鮮或魚類為主,例如係燉煮或油炸鱈魚、淡菜義大利麵或海鮮千層麵等,不過近年來好多人對於齋戒嘅規定已經冇咁嚴格。

 

以上的介紹係唔係好令人意想不到呢!讓我們一齊為我地嘅聖誕派對做節日佈置啦!千祈唔好忘記仲要訂一份包羅萬有的聖誕套餐同親朋好友一齊狂歡!我地嘅Food Channels Catering提供多款派對套餐單點美食供選擇,全港各區直送,適合生日派對宴會公司活動朋友聚會小朋友生日會!立即透過我地網站或者WhatsApp我地查詢預訂啦!祝大家聖誕快樂!

< 2022聖誕節到會套餐即將推出,請密切留意網站更新 >

您已成功訂閱!
此郵箱已註冊。