【唔同場合點揀到會?】小朋友生日到會、派對到會、會議到會選購指南

今時今日到會服務喺香港十分流行,深受大眾喜愛,每一個人都會因為唔同場合訂購到會美食,例如派對到會、會議到會、生日到會等等。不過叫到會都係一門學問,究竟點樣揀選適合場合嘅到會?到會對於一個活動好重要㗎,點樣先知你地叫嘅到會係適合特定場合呢?


等FC Catering同大家一齊研究下啦。 小編將會介紹 (1) 小朋友生日到會、(2) 派對到會同埋 (3) 會議到會。
睇完呢篇文章之後,下次你就唔會再剩係識叫元氣同Pizza Hut 嘅到會架喇!

1. 小朋友生日到會-細件和健康的到會食物,最好容易消化和無骨

喺生日到會方面,如果係家長為小朋友舉辦嘅生日派對,想訂購到會,咁就應該多為小朋友著想啦,話曬小朋友先係主角呀嘛。

首先,到會食物必須係相對較為健康,無咁油膩㗎啦,同時又要符合小朋友嘅口味。

況且小朋友嘅胃口比起成年人細,所以準備俾小朋友嘅每件食物份量都要細件啲,而且無咁多骨,咁樣先可以方便小朋友咀嚼,容易消化又唔會哽親。

所以係揀套餐嘅時候,都要睇下當中嘅食物合唔合符你地嘅要求啦。例如香菇豬肉燒賣、日式菜肉餃子,迷你牛角三文治火腿芝士同肥牛烏冬呢啲就比較適合小朋友喇。甜品方面亦可以選擇迷你手造新鮮果撻或者係啫喱糖等等。
除此之外,你地亦要為家長準備一啲飽肚嘅食物,因為佢地仲有留多啲力氣去照顧小朋友㗎嘛,所以亦可以叫啲飯類同麵類俾家長品嚐。

最後,唔好唔記得為小朋友準備一個精美可愛嘅生日蛋糕呀!慶祝生日有好多方法,最緊要係同重要嘅人玩得開心!如果搞個生日會 Party 仲有好多野要注意,有需要就睇埋呢篇【開P攻略】搞 Party 3 大注意事項-book Party Room、訂到會、夾時間啦!

如果唔想訂到會都可以,FC Catering分享一d簡單嘅 Party 小食製作方法,等大家都可以自己試下準備!不過老實講,準備一個生日會已經夠忙,不如等 FC Catering 到會 幫你分擔下?



2. 派對到會食物-多元化,食物容易分配
喺派對到會方面,無論係畢業派對、聖誕聯歡、跨年派對等等,當中嘅到會食物都應該比較多樣化,食物嘅種類、口味都可以比較豐富,咁樣就可以迎合到唔同人嘅口味同需求喇!


同時,可以選擇多啲容易分配嘅小食,份量亦會比較多,可以俾多啲人品嚐到。你地可以考慮下叫串燒,串燒有唔同肉類或者蔬菜,牛豬羊雞、翠肉瓜、雞髀菇同金針菇等等,一次過滿足所有人嘅口味!同時,你地亦可以另外選擇一啲無咁熱氣嘅嘢食,例如手撕雞、冷肉拼盤同忌廉什菌長通粉等等。

除此之外,你地亦可以選擇辣啲嘅美食,適合翻鍾意食辣嘅人。FC Catering 到會平台提供各個供應商到會美食,上網預訂方便快捷。無論你係需要普通到會,定係各式 Party 小食到會,FC Catering 到會平台都有套餐可以滿足你需要。
甜品方面,小蛋糕、焦糖燉蛋同泡芙都唔錯㗎。



3. 會議到會-精美小食,顯示尊重
至於會議到會方面,因為到會嘅美食並唔係俾客戶果腹,而係作為招待客人嘅一種禮儀,所以叫一啲精美啲嘅小食就得㗎喇。
而且呢啲小食嘅包裝或者裝飾都不可缺少㗎,整體而言應該帶出莊重嘅感覺,就好似婚禮到會一樣。咁有啲咩到會小食係適合呢啲茶會嘅呢?咁就數之不盡喇。有鮮果串、咖喱角、迷你撻、酥皮盒、魚柳條同雜曲奇等等嘅 Finger Food 到會,加上一啲飲料,就好似雜果賓治、桔子蜜同茶。咁就真係好完美啦!

結論:睇場合揀選最適合的到會
所以話,叫到會都係一個學問,唔同場合訂購嘅到會套餐都唔一樣,除咗考慮食物份量同價錢等等呢啲因素之外,套餐內容都應該好好斟酌㗎。 ReUbird 係一個到會預訂平台,你可以睇到 FC Catering 嘅到會推介。無論你想預訂 Party Room 到會、外賣到會、任何形式嘅到會,你都可以經我地預訂美味適合嘅到會套餐!

 

You have successfully subscribed!