中秋節呢個喜慶節日咁開心，相信大家都會為咗應節而食咗好多月餅，但係你又有冇諗過，其實內餡豐富口味多元化嘅月餅熱量係十分之高，一齊嚟睇下三大月餅嘅卡路里啦。

    1. 傳統雙黃蓮蓉月餅    

月餅嘅熱量同餅皮、內涵、原料、製作方法有關。熱量最高嘅傳統雙黃蓮蓉月餅用鹹蛋黃同蓮蓉餡整成，鹹蛋黃浸過油，蓮蓉餡含有大量嘅糖，傳統月餅份量較大，糖份同油份偏高，所以熱量係最高。以一件185克嘅雙黃蓮蓉月餅計算，熱量有800卡，脂肪有44克，糖有70克。營養師建議每日食唔超過八分一大細，唔建議每日進食超過四份一個傳統月餅。

    2. 流心奶黃月餅    

以一件45克嘅流心奶黃月餅計算，熱量大約有172卡，脂肪有8.6克，糖有9.2克，油份係最高，而流心餡嘅油份同反式脂肪會更高，因此，營養師建議流心奶黃月餅嘅食用份量為每日最多半個。

    3. 冰皮月餅卡路里    

冰皮月餅由麵粉同糯米粉製成，分量最細所以熱量同糖份相對較低，但都要留意月餅餡料有冇加入果醬、芝士等高糖高脂肪嘅食材，所以食之前要睇清楚營養標籤。以一件52克嘅冰皮月餅計算，熱量大約有135卡。

睇完之後係咪唔夠膽再食呢，咁又唔使咁驚，知道咗呢4個幫你減輕食月餅負擔嘅方法，等你可以食得開心又唔會擔心會肥好多，減肥人士必睇啊！

    1. 選擇少油、低糖嘅月餅    

我哋應該要選擇少油、低糖嘅月餅。選購月餅嘅時候應該盡量選擇每100克大約200卡嘅月餅，同時要小心糖同脂肪嘅攝取。就算有啲月餅標榜少油、低糖都好，都要根據營養標籤的建議食用份量進食，咁就唔會怕攝取過量糖同油啦。

    2. 切成一細塊，同其他人分享    

我哋唔應該用月餅取代正餐，應該將月餅切成一細塊作應節小食，同家人朋友分享，咁樣除咗可以試到唔同嘅味道之外，仲可以避免自己一個食晒成個月餅，減少熱量嘅攝取。

    3. 配搭無糖茶或清水，取代含糖飲料    

我哋食月餅嘅時候唔應該再飲含糖嘅飲品，避免攝取更多嘅糖，應該選擇無糖茶或清水。另外，食月餅嘅時候可以進食高纖維嘅蔬菜水果，增加飽腹感同時幫助消滯解膩，咁就唔會越食越多。

    4. 適量運動消耗卡路里    

食月餅後要做適量嘅運動，消耗卡路里。以一個185克嘅傳統雙黃白蓮蓉月餅為例，總熱量係775卡路里，脂肪40克，糖60克。一個50 公斤嘅女仔要快速跳繩74分鐘或慢跑110分鐘或游水148分鐘或瑜伽310分鐘先可以消耗到一個月餅嘅熱量。記住食月餅之後，都要做返適量嘅運動，維持體重，保持身體健康。

只要有節制咁食月餅，配合運動，咁就一定唔會肥啦，歡迎大家隨時參考以上4個方法。我地嘅Food Channels Catering提供多款派對套餐及單點美食供選擇，全港各區直送，適合生日派對、宴會、公司活動、朋友聚會或小朋友生日會！立即透過我地網站或者WhatsApp我地查詢預訂啦！祝大家中秋節快樂！

< 2022中秋歡聚到會套餐經已推出，可以在網上查看餐牌選購 >