圍繞住中秋節，好多傳統嘅應節食物都有吉祥寓意，通常一諗就會諗起月餅，但其實除咗月餅之外，仲有好多好味嘅傳統食物，就等我同大家介紹吓7款必食啦！

  1. 月餅   

月餅有好多種類，唔同地方製作月餅嘅方法唔同，用嘅食材都唔同。香港常見嘅月餅有廣式月餅、冰皮月餅、五仁月餅同奶黃月餅等。另外，好多商家都加入咗新元素同新口味，整成新派月餅，例如威士忌朱古力月餅、鐵觀音奶黃月餅、士多啤梨雪糕月餅同南棗合桃月餅等。圓形嘅月餅象徵住家庭團圓和諧，係中秋節必食之品。

    2. 芋頭    

秋天係收穫嘅季節，農民為咗慶祝豐收同埋感謝祖先嘅保佑，都會以農作物拜祭祖先。而農曆八月正值芋頭產季，所以農民好多都會用芋頭嚟拜祭祖先。芋頭係中秋節嘅應時食物，佢哋亦會覺得食芋頭有辟邪消災嘅含意。喺台灣，芋頭音似「余頭」，所以喺中秋節食仲有討好意頭、好日子嘅富裕之意。

    3. 碌柚    

中秋節係碌柚成熟嘅季節，碌柚外型渾圓，象徵團圓之意，而且「柚」同庇佑嘅「佑」同音，都係希望月亮保佑嘅意思，所以食碌柚有吉祥嘅含意。台灣出產嘅碌柚「文旦」就係最出名啦，主要產區係台南麻豆，外型比一般嘅碌柚細，重手有分量，而且果肉細緻柔軟多汁，絕對係佳品。

    4. 桂花酒      

所謂一年秋意濃，十裡桂花香。桂花酒除咗味道開胃之外，又喻意富貴同科舉高中，係時令桌上佳品。入秋後桂花開始盛放，中秋過後慢慢凋零，古人會收集跌咗落地下嘅花，釀成桂花酒。第二年中秋嘅時候酒香濃郁，人民習慣喺中秋節飲桂花酒。桂花味辛性温，有化痰止咳嘅功效，而且留香時間長，所以都非常適合入饌製作美食。

   5. 大閘蟹    

入秋後水溫變凍，大閘蟹嘅肉質會收緊，而且佢哋會儲備能量準備過冬，所以身上嘅蟹膏會特別多。秋天嘅大閘蟹大隻又成熟，肚身雪白，蟹肉量多而緊致，味道鮮甜細膩，蟹膏顏色金黃光澤，豐盈肥美，係秋天必備嘅美食。食大閘蟹要蘸醋，醋中會加入紅糖同薑絲，通常人們會配搭薑茶一同享用，以驅走寒氣。

    6. 菱角    

菱角喺秋天當造，係傳統中秋食物之一，同中秋嘅關係建基於不時不食嘅原則，即以當時最好嘅食材用嚟食同祭祀。另外，「菱」同「伶」同音，所以有聰明伶俐嘅意思。菱角含有豐富嘅纖維，具健脾益胃之效，通常老一輩會準備俾小朋友。

    7. 湯圓    

中國人着重中秋團圓嘅意頭，除咗元宵節之外，中秋節都會食湯圓，取其甜甜蜜蜜、團團圓圓嘅好意頭。近來，市面上都出現咗各式各樣嘅包餡湯圓，除咗我哋最熟悉嘅芝麻同花生口味之外，仲有比較熱門同受歡迎嘅抹茶、紅豆、黑糖同朱古力味。

睇完以上中秋嘅傳統食物，有冇覺得好肚餓呢？咁就啱啦，建議大家可以叫我哋嘅到會，一家人開心做節。我地嘅Food Channels Catering提供多款派對套餐及單點美食供選擇，全港各區直送，適合生日派對、宴會、公司活動、朋友聚會或小朋友生日會！立即透過我地網站或者WhatsApp我地查詢預訂啦！祝大家中秋節快樂！

< 2022中秋歡聚到會套餐經已推出，可以在網上查看餐牌選購 >