今時今日到會服務喺香港十分流行，深受大眾喜愛，每一個人都會因為唔同場合訂購到會美食，例如派對到會、會議到會、生日到會等等。不過叫到會都係一門學問，究竟點樣揀選適合場合嘅到會？到會對於一個活動好重要㗎，點樣先知你地叫嘅到會係適合特定場合呢？

不如就同全港最大嘅PartyRoom活動服務專家 ReUbird 同大家一齊研究下啦。 小編將會介紹 (1) 小朋友生日到會、(2) 派對到會同埋 (3) 會議到會。
睇完呢篇文章之後，下次你就唔會再剩係識叫元氣同Pizza Hut 嘅到會架喇！

1. 小朋友生日到會－細件和健康的到會食物，最好容易消化和無骨

喺生日到會方面，如果係家長為小朋友舉辦嘅生日派對，想訂購到會，咁就應該多為小朋友著想啦，話曬小朋友先係主角呀嘛。

首先，到會食物必須係相對較為健康，無咁油膩㗎啦，同時又要符合小朋友嘅口味。

況且小朋友嘅胃口比起成年人細，所以準備俾小朋友嘅每件食物份量都要細件啲，而且無咁多骨，咁樣先可以方便小朋友咀嚼，容易消化又唔會哽親。

所以係揀套餐嘅時候，都要睇下當中嘅食物合唔合符你地嘅要求啦。例如香菇豬肉燒賣、日式菜肉餃子，迷你牛角三文治火腿芝士同肥牛烏冬呢啲就比較適合小朋友喇。甜品方面亦可以選擇迷你手造新鮮果撻或者係啫喱糖等等。
除此之外，你地亦要為家長準備一啲飽肚嘅食物，因為佢地仲有留多啲力氣去照顧小朋友㗎嘛，所以亦可以叫啲飯類同麵類俾家長品嚐。

最後，唔好唔記得為小朋友準備一個精美可愛嘅生日蛋糕呀！慶祝生日有好多方法，最緊要係同重要嘅人玩得開心！如果搞個生日會 Party 仲有好多野要注意，有需要就睇埋呢篇【開P攻略】搞 Party 3 大注意事項－book Party Room、訂到會、夾時間啦！

不過老實講，準備一個生日會已經夠忙，不如等 FC Catering 到會 幫你分擔下？

2. 聖誕派對到會食物－多元化，食物容易分配
喺派對到會方面，種類繁多，當中聖誕嘅到會食物都應該比較多樣化，食物嘅種類、口味都可以比較豐富，咁樣就可以迎合到唔同人嘅口味同需求喇！

同時，可以選擇多啲容易分配嘅小食，份量亦會比較多，可以俾多啲人品嚐到。你地可以考慮下叫串燒，串燒有唔同肉類或者蔬菜，牛豬羊雞、翠肉瓜、雞髀菇同金針菇等等，一次過滿足所有人嘅口味！同時，你地亦可以另外選擇一啲無咁熱氣嘅嘢食，例如手撕雞、冷肉拼盤同忌廉什菌長通粉等等。

最重要嘅係，聖誕必點嘅火雞，適合一班親朋好友開心分享。無論你係需要普通到會，定係各式 Party 小食到會，FC Catering 到會平台都有套餐可以滿足你需要。
甜品方面，小蛋糕、焦糖燉蛋同泡芙都唔錯㗎。

3. 會議到會－精美小食，顯示尊重
至於會議到會方面，因為到會嘅美食並唔係俾客戶果腹，而係作為招待客人嘅一種禮儀，所以叫一啲精美啲嘅小食就得㗎喇。
而且呢啲小食嘅包裝或者裝飾都不可缺少㗎，整體而言應該帶出莊重嘅感覺，就好似婚禮到會一樣。咁有啲咩到會小食係適合呢啲茶會嘅呢？咁就數之不盡喇。有鮮果串、咖喱角、迷你撻、酥皮盒、魚柳條同雜曲奇等等嘅 Finger Food 到會，加上一啲飲料，就好似雜果賓治、桔子蜜同茶。咁就真係好完美啦！

結論：睇場合揀選最適合的到會
所以話，叫到會都係一個學問，唔同場合訂購嘅到會套餐都唔一樣，除咗考慮食物份量同價錢等等呢啲因素之外，套餐內容都應該好好斟酌㗎。FC Catering 提供多款派對活動套餐，歡迎搞手們隨時查詢！

文章內容出處: ReUbird