一年容易又中秋，相信大家每逢中秋節都會食月餅、玩蠟燭，知唔知點解中秋節會叫中秋節？點解會有中秋節？有冇聽過當中嘅典故呢？每年農曆八月十五就係中秋節，中秋節喺秋季中間，所以就叫中秋節。拜祭月亮同中秋節有關，喺中國古代，有春天祭日秋天祭月嘅習俗，秋季係收穫的季節，古人為咗感恩，便會喺中秋嘅時候拜祭月亮同拜祭土地，至於賞月都係由祭月而嚟，中國人會以月圓象徵家人團圓，所以中秋節又叫團圓節。等我同大家介紹下3個典故啦！

    1. 嫦娥典故    

相傳遠古時代，天空同時出現咗十個太陽，將土地曬至龜裂，有個人名叫后羿，拉開寶弓射落九個太陽，並命令第十個太陽按時起落，但之後佢漸漸忘記咗當初為民請命嘅心志，由好人變為壞人。有一日，后羿派人向王母娘娘求長生不老藥，大家知道呢個消息之後，擔心后羿嘅殘暴永無休止，后羿嘅妻子嫦娥非常同情人民嘅處境，於是想偷走仙藥，但被后羿發現咗，嫦娥情急之下吞咗仙藥，變得身輕如燕，一直奔向月宮。由於嫦娥奔月嗰日係八月十五，於是每年農曆八月十五，大家就會喺月亮之下擺設水果拜祭，以表達對嫦娥嘅思念。

    2. 玉兔典故      

相傳漢代時期，月亮之中有隻兔仔，渾身潔白如玉，所以稱作玉兔。呢種白兔拎住玉杵，跪地搗藥，成蛤蟆丸，服用呢隻藥丸可以長生成仙。久而久之，玉兔就成為咗月亮嘅代名詞。古時候，文人寫詩作詞，都會以玉兔象徵月亮，例如辛棄疾嘅《滿江紅·中秋》，都以玉兔表示月亮。

    3. 月餅典故    

根據風俗書記載，蒙古人統治中國之後，常欺壓漢人，於是大家就想密謀反抗。當時，有個人名叫劉伯溫，佢諗出一個主意，聲稱嗰年冬天有瘟疫，要喺中秋節買月餅食先唔會病，於是大家就爭先恐後買月餅食。當佢地返到屋企掰開月餅，就發現月餅內有一張字條，叫大家以豎起嘅花燈為信號，喺中秋晚上，趁蒙古人食飽飲醉嘅時候一齊反抗，將蒙古人趕走。明朝建立之後，大家都喺中秋節食月餅，紀念呢次對抗蒙古人嘅義舉。其實喺明朝之前，已經有提燈同食月餅，但明朝之後就廣為流傳，同賞月一樣，成為咗中秋節嘅習俗。

睇完以上典故，係咪了解多咗中秋節嘅由來呢？中秋節象徵團圓，最啱就係同屋企人一齊食月餅同賞月，怕麻煩唔想煮，又唔想出街同人迫嘅話，最啱就係嗌到會啦，我地嘅Food Channels Catering提供多款派對套餐及單點美食供選擇，全港各區直送，適合生日派對、宴會、公司活動、朋友聚會或小朋友生日會！立即透過我地網站或者WhatsApp我地查詢預訂啦！祝大家中秋節快樂！

< 2022中秋歡聚到會套餐經已推出，可以在網上查看餐牌選購 >