來到第2 round…

終於揀好心水到會套餐，衡量好份量之後，到左派對日子，等極都未等到個到會，終於等到但又話要落樓下拎…唸起都好鬱悶！所以今次就集中一啲到會需知細則，咁就個個都feel 到你既細心啦~

4.送貨服務時間
就算係訂到會，都要拿捏好到會送到partyroom嘅時間。
如果你地係想邊玩邊食，就可以係去到partyroom後半個鐘至一個鐘到送到，喺大家熟悉環境後，就可以放任地食同玩啦。

另一方面，如果你地係想就翻大家平時用餐嘅時間，咁就可以係六點至七點呢啲時間送到，俾大家有個一齊圍住食嘢傾計嘅時間。
但係要留意翻，大部分訂到會係要提早24小時訂㗎，而且唔可以喺確認訂單後減少食物份量或者取消訂單，因為所有食材都已經準備好㗎喇。

5.可送貨地區
其實普遍嘅到會送貨範圍都好廣，可以送到港島區、九龍區同新界區。但係都要留意翻好多到會都唔送禁區、羅湖、沙頭角、迪士尼、機場、海洋公園、離島同埋馬灣等等嘅偏遠地區。另外book到會都要俾清楚地址佢地呀。

6. Party room是否提供美食到會服務
香港有咁多唔同類型嘅partyroom，因應翻嗰間partyroom嘅環境、設施等等嘅因素，並唔係所有partyroom都會提供美食到會服務㗎。
所以喺book partyroom前都要問清楚店主有關事項，你地亦可以去FC Catering網站查詢，嗰到詳細列明咗邊啲可以提供到會服務，邊啲唔可以，一覽無遺！
睇完以上嘅注意事項，係咪清晰好多，以後唔使再訂大家樂到會呢？咁就快點整理好頭緒去book Party Room同訂到會啦！

文章內容出處: ReUbird