2022年9月10日就係中秋節啦，大家諗好去邊度慶祝未呢，我幫大家整合咗6個啱晒一家大細、一大班朋友、情侶一齊慶祝同賞月嘅好去處，有露營，有燒烤BBQ，有野餐，梗有一個啱你，一齊嚟睇吓啦。

    1. 流浮山下白泥    

相信大家對下白泥都唔陌生啦，除咗係一個睇日落嘅最佳位置之外，仲係一個好好嘅賞月地方。下白泥遠離市區，附近冇高樓大廈，相信一定會睇到又大又圓嘅月亮。山長水遠入嚟，建議可以搵吓附近嘅營地，去埋露營，投入大自然嘅懷抱，一望無際嘅風景真係會令到你唔捨得走。想方便啲嘅話，可以直接揸車嚟。

    2. 昂坪營地    

昂坪營地喺鳳凰山附近，位於南大嶼郊野公園，周圍都係樹林山景，附近冇高樓大廈，所以係個好好嘅賞月地方，仲有機會睇到滿天星星，又可以去埋鳳凰山睇日出。交通亦尚算方便，可以由東涌市中心、梅窩或者大澳搭巴士去昂坪總站落車，再行一段路就到㗎啦，適合初次體驗露營嘅人士。

    3. 大美督水壩    

一講到BBQ，點可以唔提燒烤勝地大美督啊。中秋去大美督可以賞月，可以BBQ，可以踩單車，可以欣賞靚景，夜晚又可以睇星星，一次過滿足你多個願望，適合一家大細或者大班朋友嚟。大美督有公共燒烤場，只要準備定嘢食同工具，就可以享受BBQ嘅樂趣啦。建議可以揸車或者搭巴士去大埔大美督再行過去。

    4. 添馬公園    

添馬公園位於政府總部隔離，一大班朋友可以坐喺大草地上面一邊賞月，一邊欣賞住對面維港景色，一邊玩下遊戲食吓嘢，一定可以玩到盡興。要留意人流可能會比較多，所以中秋想去嘅話就要提早去霸位。交通方面，喺港鐵金鐘站行過去都好快好方便㗎。

    5. 西九文化區    

西九文化區喺尖沙咀，有西九藝術公園同海濱長廊，呢度有一望無際嘅維港景色同埋一大片草地，啱晒一家大細過嚟賞月野餐，食吓嘢傾吓計，chill住過中秋，最緊要係可以帶埋寵物嚟玩，比主子跑下步放下電，最啱一啲有養寵物嘅家庭啦。交通都好方便，可以揸車嚟或者搭港鐵去到柯士甸站行一陣就到啦。

    6. 大澳水鄉花燈節    

大澳水鄉花燈節由2018年開始舉辦，上年2021年舉辦咗一連串充滿大澳特色嘅活動，例如手繪燈籠工作坊、攝影展覽同文化體驗團等。吉慶街嘅花燈海亦都係出名嘅打卡地點之一，吸引咗唔少人專登過嚟。可惜因為人流擠擁，影響大澳居民嘅日常生活，所以2021年嘅中秋節正日同中秋節翌日都唔亮燈。2022年舉辦單位就仲未公布詳情，想去嘅朋友就要密切留意官方Facebook嘅消息啦，如有更多詳情都會喺呢度再update大家。

睇完咁多個好去處，決定咗同親朋戚友過節去邊度慶祝未呢，距離中秋節仲有兩個月，慢慢諗都未遲。去玩之前梗係要食飽先啦，我地嘅 Food Channels Catering 提供多款派對套餐及單點美食供選擇，全港各區直送，適合生日派對、宴會、公司活動、朋友聚會或小朋友生日會！立即透過我地網站或者 WhatsApp 我地查詢預訂啦！祝大家中秋節快樂！

< 2022中秋歡聚到會套餐經已推出，可以在網上查看餐牌選購 >