相信唔係個個人都做過派對搞手、嘗試過訂到會。但無論係生日到會、聖誕到會、或者係日常聚會到會都好，人生中總有一個機會要你叫到會。預訂到會食物都有唔少疑問，Food Channels Catering 今次參考活動服務專家 ReUbird 的建議，為你一一解答。

事前準備

1. Book Party Room
由揀場開始就要擺好多心思架喇！每一個人嘅budget 都唔同，所以揀場之前要睇清楚大家個budget係幾多。平有平玩，貴有貴玩。

2. 預訂到會
搞Party 點少得預訂派對食物！尤其係搞生日Party，你可以叫生日到會外賣，預訂派對Party小食或者足料主食。 無論係午餐定晚餐，到會公司會直接送到 Party 場地，確保食得夠飽！

預訂到會食物以前相對比較麻煩，要打電話 WhatsApp 再confirm 落單，又要透過銀行過數比錢，相對麻煩。依家你可以就咁經FC Catering網上預訂食物，超級方便。以後訂聖誕到會唔使再咁麻煩喇！

3. 夾時間日期
另一個難處就係夾時間喇！一大班人約時間成日都好難約，所以最好提早最少2個星期，再早d緊係好d，大家可以夾下有咩日子得閒，揀日最多人既日子咁就熱鬧d開心d啦。大家早d約可以安排好schedule同預留返d時間，搞手都可以有多d時間準備同安排場地野食。

常見Q&A

一‧主食和小食的分配？

通常一拎到到會嘅訂餐紙之後，林林總總嘅食物種類就會呈現你眼前。但係主食同小食嘅份量又太唔同啦喎，究竟點樣先可以確保每一個人都食得飽又唔會太「滯」？

其實根據到會活動嘅經驗，比較少客人會叫甜品。如果你只係叫到會小食同主食嘅話，我地會建議大家主食和小食份量嘅比例為 5：5（可以飽啲啲）或者 4：6(比較啱啱好）。叫到會食物嘅目的除咗「醫肚」之外，更重要係食得方便。

所以如果叫得太多主食嘅話，要拿住成碟飯／粉，相對麻煩，食都食得冇咁方便。尤其係開 Party 嗰時，派對小食會預多啲，主食會預少啲，因為大家都唔會想拿住碟食物咁耐。派對小食通常係一件件，可以一口就入咗口，相對方便好多，大家都食得盡興啲。

當然，如果呢次活動女仔人數較多，視乎男女人數嘅比例，咁就可以叫少啲主食，避免浪費食物。

立即選購美食: https://foodchannels-catering.com/collections/dessert

二‧甜品又叫唔叫好呢？

其實呢個就要視乎參加呢個活動嘅人嘅口味。但整體而言，普遍香港人都鍾意食甜品嘅！

如果你想令成個活動體面啲，咁你叫到會嗰時就可以叫埋甜品，但建議你另外應該減少主食嘅份量，為大家個肚預留「位置」食甜品。

如果係特別比小朋友又或者係女仔嘅參加活動，都可以叫多啲啱佢地口味嘅甜品㗎！

三‧應該叫多啲同一款到會食物定係叫多啲唔同款嘅食物？

我地建議款就越多越好，因為咁可以容易滿足所有人需要。簡單啲講，一個10人活動裡面，可能只有3個朋友鍾意食葡汁雞扒飯，另外7位就唔係特別太有興趣。如果你一叫就叫5磅葡汁雞扒飯，又唔係個個鍾意，咁都略嫌有啲多，只會浪費食物。

另一個係大家叫到會食物嘅心態，大家會好似食放題咁樣，想試食唔同種類多過只係食一款（畢竟香港人都係鍾意貪新鮮嘛）。所以FC Catering到會服務嘅每個主食磅數相對少啲，大約3磅，價錢相宜，可以滿足想平平哋叫到好多款野食嘅你！

我地建議大家叫多啲小食嘅原因係可以畀大家有多啲選擇，容易滿足所有人嘅需要。假如你叫10款小食，款色多啲，咁每個人都可以容易食到啲自己鍾意嘅小食。

四‧到會送貨時間要點預？

預時間永遠係世紀大難題。我地建議大家將時間set早15-30 分鐘。舉個例子，如果活動係預大約晚上7 pm開始，大家可以預訂到會時 set 送貨時間為 6:45 pm。

通常到會食物送貨時間係預定時間嘅(1)前15分鐘或者(2)後15分鐘。所以以呢個例子而言，食物應該會喺 6:30pm 至 7:15pm 內送到，你可以根據呢個 range 預個送貨時間，盡量令食物準時送到！

如果你個活動係大型event，小編建議你可以set送貨時間為活動開始前45分鐘，咁就相對穩陣。

 更多美食: https://foodchannels-catering.com/

文章內容出處: ReUbird